УЕФА Қырым футбол клубтарына Ресейде ойнауға тыйым салды

УЕФА Қырымның футбол клубтары - "Севастополь", Таврия Симферополь" және "Жемчужная Ялта" командаларына Ресей футбол одағы ұйымдастыратын турнирлерге қатысуға тыйым салды.

Бұл туралы Азаттық хабарлайды.

Командалар биылғы маусымда Ресейдің үшінші лигасында ойнаған, қазір қысқы демалыста. БҰҰ Ресейдің биыл наурызда Қырымды Украинадан аннексиялап алғанын мойындамайды.

Бірақ Ресей футбол одағы үш клубты ел чемпионаты мен лигасына қосып, Украинаның наразылығын тудырған. "Севастополь" командасының президенті Александр Красильников УЕФА шешімін "Футболға қарсы әрекет" деп атады.

Желтоқсанның 4-і күні Ресей президенті Владимир Путин жыл сайынғы халыққа жолдауында Қырымды "орыс халқының рухани орталығы" деп атаған.

Новости Казахстана

Другие новости и советы по теме: