Оралда Ұлы Отан соғысы ардагерлеріне 250 мың теңгеден беріледі

Оралда қалалық мәслихаттың кезектен тыс сессиясында Ұлы Отан соғысының ардагерлері мен мүгедектеріне арналған әлеуметтік төлемақылар мөлшерін бекітті, деп хабарлады ҚазТАГ тілшісі

"Сессияда Ұлы Отан соғысының мүгедектері мен қатысушыларына естелік даталар мен мереке күндеріне орай табыстауға арналған әлеуметтік жәрдем мөлшері анықталды. Сондай-ақ жәрдемақылар мен кепілақылар бойынша Ұлы Отан соғысына қатысушылармен теңестірілген тұлғалардың да төлемақылары анықталды. Сөйтіп, Жеңістің 70 жылдығына орай ҰОС ардагерлеріне 250 мың теңге көлемінде біржолғы жәрдемақы төленеді, оның 150 мың теңгеден жергілікті бюджет бөледі, тағы 100 мың теңгесін – республикалық. Бүгінде Оралда 186 шақты ДСҰ ардагері бар", - деп хабарлады Орал мәслихатының хатшысы Аққали Әубәкіров сейсенбіде.

Оның айтуынша, Ленинградта қоршауда қалғандар мен конлагерьлердің тұтқындарына 60 мың теңгеден төленеді, Чернобыль АЭС апатын жоюға қатысқандар мен ауған соғысының қатысушылары 30 мың теңгеден алады. Ауғанстандағы соғыста немесе Чернобыль АЭС апатынан кейінгі сәуле ауруының нәтижесінде қаза тапқандардың отбастарына 20 мың теңгеден төленетін болады. Жәрдемақылар мен кепілақылар бойынша ҰОС мүгедектерімен теңестірілген тұлғалар 30 мың теңгеден алады.

Новости Казахстана

Другие новости и советы по теме: