Назарбаев Париждегі оқиғаға байланысты Франция президентіне көңіл айтты

Елбасы "Шарли Эбдо" басылымы редакциясына қатысты жасалған террорлық әрекетке байланысты Француз Республикасының президенті Франсуа Олландқа көңіл айту жеделхатын жолдады. Бұл туралы Ақорданың баспасөз қызметіне сілтеме жасап хабарлайды.

Жеделхатта террорлық әрекет салдарынан француз азаматтарының қаза тапқаны туралы суыт хабарды Мемлекет басшысы үлкен күйзеліспен қабылдағаны жөнінде айтылған.

"Бүгінгі күні терроризмнің етек алуы барлық мемлекеттер үшін ортақ қауіп-қатерге айналып отыр. Қазақстан өз тарапынан халықаралық қауіпсіздікке қатер туғызатын лаңкестік пен экстремизмнің кез келген түрін айыптайды", – делінген жеделхатта.

Нұрсұлтан Назарбаев Қазақстан халқының және жеке өзінің атынан оқиға құрбандарының отбасылары мен туған-туыстарына, сондай-ақ бүкіл Франция халқына шын ниетпен көңіл айтты.

Новости Казахстана

Другие новости и советы по теме: