Ақмола облысында тракторшы мамонттың мүйізін тауып алды

Ақмола облысындағы Жолдыбай құм кенішінен мамонттың мүйізі табылды. Ежелгі пілдің сүйегін карьер қазып жатқан тракторшы байқап қалған.

Кеніш басшылары археологтар зерттеулерін бастап кетсе, жұмысты тоқтатып тастауы мүмкін деп сүйекті бірден көрсетуге тыйым салыпты.

Құм кеніші тұрған жер ертеде үлкен көл болған екен. Кейін ол жанандағы елді-мекенді басып қалған деседі жергілікті тұрғындар.

Тракторшы Ерболат Кәрімов мүйізден басқа да ірі сүйектерді тауып алған. Бірақ басшылардың ауыздарыңды ашпаңдар деген бұйрығынан сескендім дейді. Осылайша сүйекті үйінде жарты жылдай сақтаған. Кейін барып өлкетану мұражайының қызметкерлеріне көрсетуді жөн көрген.

Археологтар мүйізге ұқсас сүйектің өлшеміне қарап мамонттікі болуы мүмкін дейді. Бірақ нақтылау үшін олар Алматыдағы ғылыми зерттеу институты мамандарының көмегіне жүгінбек.

"Алғаш көргенде ағаш деп трактормен сырып тастадым. Алып шықсам сүйек екен. Сосын тағы жілігі шықты.Кім біледі енді мүмкін мамонт осы жерден өтті ме? Бұл тарих қой", - дейді Көкшетау қаласының тұрғыны Ерболат Кәрімов.

Новости Казахстана

Другие новости и советы по теме: